AGUIA LINGUA: ANIVERSARIO DE ÁLVARO CUNQUEIRO

martes, 22 de decembro de 2015

Hoxe é o aniversario de nacemento de Álvaro Cunqueiro, quen veu ao mundo o 22 de decembro do 1911. Como homenaxe, no...
Posted by Armando Requeixo on Luns, 21 de Decembro de 2015

"A fala", Manuel María

O idioma é a chave
coa que abrimos o mundo:
o salouco máis feble,
o pesar máis profundo.

O idioma é a vida,
o coitelo da dor,
o murmurio do vento,
a palabra de amor.

O idioma é o tempo,
é a voz dos avós
e ese breve ronsel
que deixaremos nós.

O idioma é un herdo,
patrimonio do pobo,
maxicamente vello,
eternamente novo.

O idioma é a patria,
a esencia máis nosa,
a creación común
meirande e poderosa.

O idioma é a forza
que nos xungue e sostén.
¡Se perdemos a fala
non seremos ninguén!

O idioma é o amor,
o latexo, a verdade,
a fonte da que agroma
a máis forte irmandade.

Renunciar ao idioma
é ser mudo e morrer.
¡Precisamos a lingua
se queremos vencer!

AGUIA LINGUA

martes, 22 de decembro de 2015

ANIVERSARIO DE ÁLVARO CUNQUEIRO

Ningún comentario:

Publicar un comentario